SAMUEL DAMEUS CHAT WITH BRADLEY

SAMUEL DAMEUS

Samuel DAMEUS = SD

Moncoeur Alexandre Bradley = MAB

Chaje moun ke m toujou konseye moun swiv travay yo sou rezo sosyal yo, pou moun yo ye men tou pou sa yo reprezante. Mwen chwazi moun ki jeneralman se sous enpirasyon, pou moun tout kote e tou espesyalman, ayisyen tout kote poum prezante nan fason pam nan rubrik sa, m pa gen okenn anvi prezante yon moun jis paske li populaire ou paske li panse li enpòtan, m prezante moun ke mwen panse ki enpotan.

Samuel DAMEUS se moun Okap, men li konsakre yon pati nan vil a montre mond lan sa ki bon sou Ayiti, a  » kreye yon lòt naratif » sou peyi sa, yon imaj ki pote mak kalite, beauté, kreyativite ak lespwa, yon imaj ki pa kache sa ki peyi sa men ki anbrase l ak yon felisite san parèy. Se premye ide ke mwen te genyen sou Samuel DAMEUS ak imaj ke l bay sou Ayiti, epi mwen pran tan dekouvri l, san desepsyon mwen dekouvri yon jeune ki enplike nan devlòpman ak edikasyon  moun kominote nou an isit an Ayiti kou lotbò dlo. Li se yon veritab modèl pou moun ki bezwen yon doz pozitivite, m pa konn si wap wè menm bagay avèk mwen, m te fè yon ti chat avèl, dekouvri sa l reponn mwen.

MAB : Ki dènye liv ou li? 

SD: « Histoire D’Haiti ». Mwen te vle pran tan reli istwa peyi nou paske mwen panse lontan timoun, nou te konn aprann Istwa Dayiti pa kè pou nou te resite, men pa pou nou konprann. Mwen pran tan reli li depi sou peryòd Endyen yo jiska Divalye pou mwen byen konprann peyi mwen e konprann ki jan mwen ka ede nan fason pa m kòm senp sitwayen men m se ak yon ti aksyon tankou facesofhaiti.

MAB : Ki sitasyon prefere w ? 

SD: « Sapiens Nihil Nunca Non Probat » / « Le Sage N’approuve Rien Qu’il ne Prouve ». Se yon sitasyon mwen te aprann lekòl ke mwen pa janm bliye. Li rete deviz mwen pou m pa kouri jije okenn moun sa mwen pa gen prèv.

MAB : Ki tit mizik ou tande plis jou sa yo e poukisa ?

SD : Se yon afrobeat de Rotimi: « Love Riddin ». Ritm nan “exotic”, antrenan epi an jeneral mwen pa gen pwoblèm ak Afrobeat.

MAB : Ki konsèy ou ka bay yon moun « face à l’adversité » ? 

SD : Advèsite se yon montay devan w. Si ou pè li wap rete an plas epi w pap avanse. Si w pa pè li epi simonte li wap pran wotè pou w wè pi lwen.

MAB : Kisa feminis vle di pou ou ? 

SD : Pou mwen valè ke mouvman feminis lan ap pwone se valè « humaniste » yo ye e li dwe konsène tout moun. Paske a yon nivo ou yon lòt nan sosyete a nou tout vle vi nou konte, nou vle respè ak egalite nan tout sans ak nan tout bagay.

MAB : Si w te gen 70 milyon dola kisa sa tap chanje nan vi w selon ou ? 

SD : Lol chif la presi. Mwen panse kòm yon moun ki kwè nan antreprenarya mwen tap travay sou anpil pwojè mwen gen ki bloke akoz kapital, men sitou kreye platfòm prè finansye pou lòt ki gen pi bèl ak pi bon ide pase m. Sa ki sur mwen tap vwayaje anpil fè tout peyi nan mond lan.

MAB : Ki pi gwo regrè ou ? 

SD: Pèsonèlman, mwen toujou regrèt ke mwen poko gen timoun. Mwen panse se yon etap enpòtan ki ap gen gwo enpak nan vi m, posibilite pou pataje lanmou nan pwen sa!

MAB : Ki pi gwo rèv ou ? 

SD : Wè Ayisyen chanje mantalite epi wè peyi m pran kap yon chanjman tout bon. Osi senp ke sa.

MAB : Ki plezantri ou pa renmen yo fè avèw ? 

SD: Mwen gen yon tanperaman ki strict natirèlman, so mwen pa fasil ap fè blag pasi pala. Plezantri mwen pap pran nan men okenn moun se sa ki ka gen rapò ak respè mwen gen pou pwòp tèt mwen ak pou lòt moun. Mwen pa negosye bagay sa yo.

MAB : Ki tip elèv ou te ye lekòl ? 

SD: Aplike e ki te sou bèt li. Men mwen te enplike anpil nan vi kiltirèl, espò ak « para-académique » lekòl mwen. Nan klas Philo, mwen te Prezidan lekòl la (Collège Notre Dame du Perpétuel Secours – Cap-Haitien), epi mw te a la tèt anpil inisyativ ak anpil lòt lekòl nan vil la.

MAB : Ki pi bon ak pi move eksperyans ou te fè lekòl ? 

SD : –  PI bon: Vwayaj nou te òganize ak tout klas la pou nou te ale al pase yon ti tan Jacmel epi Santo Domingo. Se te yon moman ki te pèmèt pwomosyon an te vin soude.

– Pi move: Pandan yon ane nou te pèdi yonn nan kondisip ki te gen anpil avni

MAB : Ki selebrite an Ayiti ou tap renmen an karatèn ak li e poukisa ?

SD : Mwen renmen anpil vibrasyon Riva, mwen panse nou t ap fè anpil deba epi mwen sèten mwen tap aprann anpil de moun li ye a. Mwen toujou gen enpresyon nan entèraksyon li yo, li gen yon fason apa li wè lavi.

MAB : Ki 5 premye desizyon ou tap pran siw ta vin prezidan peyi a ?

SD:     

– Mwen t ap fè yon refòm nan sistèm edikasyon an

– Mwen tap travay ak otorite ekonomi ak finans yo pou pèmèt yon pi bon aksè a kredi

– Mwen t ap travay sou kòman nou ka pase sou 15 pwochen lane a enèji renouvlab

– Mwen t ap travay sou yon pi bon  rezo modèn wout

– Mwen t ap repanse jan nou fè touris an Ayiti, konstwi li otou de yon eksperyans istorik (se sa nou gen ki diferan de lòt peyo nan Karayib la. Mete anpil aksan sou Citadelle pou li tounen yonn nan landsmark tout moun konnen nan mond lan)

epi bonus:

– Mwen ta ranfòse polis la nan amelyore kondisyon vi yo epi ogmante mwayen ak kantite yo

– Lanse yon refòm nan Leta a pou kwape koripsyon.

Laisser un commentaire

Entrer les renseignements ci-dessous ou cliquer sur une icône pour ouvrir une session :

Logo WordPress.com

Vous commentez à l’aide de votre compte WordPress.com. Déconnexion /  Changer )

Image Twitter

Vous commentez à l’aide de votre compte Twitter. Déconnexion /  Changer )

Photo Facebook

Vous commentez à l’aide de votre compte Facebook. Déconnexion /  Changer )

Connexion à %s