6è EDISYON FESTI GRAFITI OKAP

Ane sa, vil Okap resevwa anpil aktivite ki te konn fèt tradisyonnèlman Pòtoprens. Sa rive fèt pou plizyè e FESTI Grafiti rejwenn lis gwo evènman ak aktivite kiltirèl ki bout nan vil Okap.

Festi Grafiti se yon festival entènasyonal ki regwoupe chak ane, pwofesyonèl Grafiti ki soti nan 4 kwen mond lan. Pou edisyon sa, genyen Atis ki ap soti Etazini, Meksik ak Jamayik.

Nenpòt sa ki rezon ki fé aktivite sa yo rive isit Okap, nou menm nou kontan akeyi yo. Depi li Pozitif vil la deja louvri 2 bra li ap tann yo. Se konsa FESTI Grafiti tabli nan vil Okap depi 13 dawout pou premye atelye yo ki tap fèt sou chanjman klimatik ak katastwòf natirèl.

Festival la ap kenbe jouk 21 dawout, pou diferan aktivite ankò. Tankou atelye sou Grafiti ak travay sou gran mi nan vil la. Yon ti kout je sou travay ki ap fèt nan moman sa, nan ri 17 P.