Actions pour la Vie (AVIE) se yon asosyasyon ki sou pye depi 10 lane anviwon e ki deside mete lanse ane sa yon pwogram jwèt pou lespri ak diferan lekòl.

Espò pou lavi se yon pwogram AVIE elabore pou aprann timoun yo jwe jwèt lespri tankou : puzzle, echèk, eskrab, damye, lido elatriye… Travay sa Ap fèt nan lide pou ede timoun devlope sèvo pi byen epi lite kont delenkans jèn ak dekwochaj eskolè.

Se yon pwojè ki ap pote anpil kontribisyon nan chanje fason timoun yo reflechi epi yo ka rete konekte ak lòt nan sousi pou ka Kite yo vin obsede a yon ekran telefòn, televizyon oubyen òdinatè epi yo bliye viv ak moun.

Pwogram sa kòmanse mwa fevriye 2022 sa nan diferan lekòl nan vil Okap, sou inisyativ Emmanuel Cyriaque ki se prezidan asosyasyon an. Tout moun ki enterese yo rete disponib pou etabli pwogram sa nan plis lekòl nan limit kapasite yo epi kondisyon sa mande.